Presidenti i Republikës së Shqipërisë, Ilir Meta, ishte këtë të premte në qytetin e Beratit në Ditën Kombëtare të Trashëgimisë Kulturore.
Kreu i shtetit ndau një vlerësim të veçantë për restauruesit shqiptarë të Ministrisë së Kulturës dhe Institutit të Monumenteve për punën e tyre në zbulimin e thesareve të fshehura të monumenteve të kulturës.
“Berati do të jetë gjithmonë një nga qendrat më të bukura e tërheqëse, vëmendjen mijëravjeçare të qytetërimit tonë që prej shume kohësh vazhdon të tërheqë imagjinatën tonë kombëtare dhe të mbarë botës, përfshi edhe UNESCO. Sot të gjithë popujt e Evropes, per koincidence me Diten tone te Kultures Kombetare, festojne njekohesisht edhe Diten e Trashgimise Evropiane. Ne shqiptaret ndihemi krenar perpara historise se kultures evropiane , pasi historia dhe trashgimia shqiptare eshte pjese dinjitoze e kultures evropiane. Ne kete udhetim shume shekullor ne jemi krenare per autenticitetin tone, gjuhen dhe traditat tona, ashtu sikurse ndihemi te vetedijshem dhe per kulturen, identitietin tone perendimor dhe harmonizimin e tyre me ndikimin e kulturave te tjera perreth. Ne sot kemi ardhur mes jush jo vetem per te evokuar bukuritë e historise por dhe te nxisim interesin e qytetareve dhe investitoreve per t’i vitalizuar monumentet dhe per ti bere me te dobishme per jetën. Shpreh gjithe mbeshtetjen dhe vleresimin tim per restauruesit e Shqiperise, punonjesit duararte te atelieve, te Ministrise dhe Institutit te Monumenteve te Kultures, qe rizgjuan e ngrohen shpirtin e “thesareve te fjetura” te monumenteve te kulturës”, u shpreh Meta gjatë një aktiviteti për këtë ditë mbajtur pranë muzeut “Onufri”.